Pasadan astean, 2013ko azaroaren 9an, Lauaxetako taldeak Pureza taldearen kontra jolastu gendun. Partidua Bilbon jolastu zan, haien Pureza izeneko ikastolan. Bertan 9:00-etan egon beharra zegoan, baina 9:30 hasi egingo zan partidua. Hori dela eta, gure taldeko 8 jokalariok ordurako bertan geunden, ondo pasatzeko eta jokatzeko prest!
Entrenamendua oso arina izan zan, hoberena gorputza berotzeko. Hala ere, bertako 80-ak nabarmendu egiten ziren. Hala ere, jolasteko prest geuden eta hotza ez zen garrantzitsuena momentu horietan, partidua irabaztea baizik.
Lehengo denboran urduri atera ginen taldeko 5 jokalariok, izan ere, gure kontrakoak ikusi genduan momentu berean konturatu ginen gu baino nagusiagoak zirela. Epaileak baloia airera botatzean, partidua hasi egin zela esanarazi zuen. Gure ustekaberako, taldekoak baloia hartu eta lehenengo 2 puntuak geureak ziren. A ze nolako hasiera ona!
Baina, gure pozak ez zuen asko iraun, laster hasi baiziren kontrakoak kanastak sartzen eta. Lehengo denbora galtzen bukatu gendun azkenean, baina esperantza galdu barik, bigarren denboran ilusioz beterik atera ginen! Orduantxe, ekipoko jokalari batek min hartu zuen eskuko atzamar batean eta aldaketa eskatu beharra izan zuen entrenatzaileak. Denok lur jota geratu ginen eta kanasta pare bat sartu arren, bigarren denbora hori galtzen ere bukatu genduan.
Atsedenaldia gogorra izan zen, hala ere, entrenatzailearekin jakaldi berriak praktikatu genduzan eta horrek irabazteko gogo gehiagorekin irtetzera bultzatu euskun. Hori dela eta, haiek baino kanasta gehiago sartzen hasi ginan; baina hirugarren denbora hori irabazi arren, galtzen jarraitzen gendun. Azkenengo denbora oso ona jokatu beharko genduan partido hura irabazteko.
Indarrez beterik irten ginen eta nahiko berdinduta egon zen azken laugarren denbora hori, baina haiek irabazi zutela argi zegoan, oso onak izan ziren eta. 35-15 gelditu zen azkenean markagailua.
Bukatzeko, partidu guztiak bezala, eskua eman ginen eta bertan bukatutzat eman zen partidua. Hala ere, horrek ez eustan triste jarri, oso ondo pasatu neban eta seguru nago hurrengoan irabazi egingo deutsegula. Aupa Lauxeta!
iruzkinik ez:
Argitaratu iruzkina